ትምህርት 1
– እዚህ የመጣሁት ለምንድነው?
– እዚህ የመጣሁት ልጐዳችሁ ነው?
– አይደለም።
– እዚህ የመጣሁት ቤተሰባችሁን ወይም ጓደኞቻችሁን ልጐዳ ነው?
– አይደለም።
– እዚህ የመጣሁት መሬታችሁን ልወስድ ወይም ከብቶቻችሁን ልሰርቅ ነው?
– አይደለም።
– ታዲያ እዚህ የመጣሁት ለምንድነው?
– እዚህ የመጣሁት ለአንድ ጉዳይ ብቻ ነው።
– እዚህ የመጣሁት በዚህ ዓለም እጅግ አስፈላጊ የሆነውን መልእክት ልነግራችሁ ነው።
– እዚህ የመጣሁት የእግዚአብሔርን መልእክት ልነግራችሁ ነው።
– እዚህ የመጣሁት የነጮችን መልእክት ልነግራችሁ አይደለም።
– እዚህ የመጣሁት የጥቁር ሕዝቦችን መልእክት ልነግራችሁ አይደለም።
– እዚህ የመጣሁት የእግዚአብሔርን መልእክት ብቻ ልነግራችሁ ነው።
– መሪያችሁ ለአስፈላጊ ጉዳይ ሁላችሁንም ቢጠራችሁ ትመጣላችሁ አይደል?
– አዎን ትመጣላችሁ።
– ለምንድን ነው የምትመጡት?
– ምክንያቱም መሪያችሁ የሚነግራችሁ መልእክት አስፈላጊ ስለሆነ ነው።
– የመሪ መልእክት አስፈላጊ ነው ነገር ግን ከመሪ መልእክት እጅግ የሚበልጥ መልእክት አለ።
– ከመሪ መልእክት የሚበልጥ መልእክት የማን መልእክት ነው?
– የእግዚአብሔር መልእክት ነው።
– በዚህ ዓለም እጅግ አስፈላጊ የሆነው መልእክት የማን መልእክት ነው?
– የእግዚአብሔር መልእክት ነው።
– የእግዚአብሔር መልእክት በዚህ ዓለም እጅግ አስፈላጊ መልእክት የሆነው ለምንድን ነው?
– ምክንያቱም እግዚአብሔር በፍጹም ስለማይዋሽ ነው።
– እግዚአብሔር ሁል ጊዜ እውነትን ብቻ ስለሚናገር ነው።
– ከሰዎች መካከል ዋሽቶ የማያውቅ አለ?
– የለም ሁሉም ሰው ዋሽቷል።
– ከእናንተ መካከል ዋሽቶ የማያውቅ አለ?
– የለም ሁላችሁም ዋሽታችኋል።
– ከዚህ በፊት እኔም ዋሽቼአለሁ።
– ነጭ ሁሉም ዋሽቶአል።
– ጥቁር ሁሉም ዋሽቶአል።
– ሁሉም ሰው ዋሽቶአል።
– ዋሽቶ የማያውቅ ማን ነው?
– እግዚአብሔር ብቻ ነው።
– እግዚአብሔር ዋሽቶ ስለማያውቅ፤ እውነቱን ሊነግረን የሚችለው እርሱ ብቻ ነው።
– እግዚአብሔር በፍጹም ዋሽቶ ስለማያውቅ ስለ ራሱ እውነቱን ሊነግረን የሚችለው እርሱ ብቻ ነው።
– እግዚአብሔር ፈጽሞ ዋሽቶ ስለማያውቅ የእግዚአብሔር መልእክት በዚህ ዓለም እጅግ አስፈላጊ መልእክት ነው።
– ለወንዶች የእግዚአብሔር መልእክት በእርሻ ቦታ ከመሥራት የበለጠ አስፈላጊ ነው።
– ለምን?
– ምክንያቱም ወንዶችን ሁሉ ከሞት ማዳን የሚችለው የእግዚአብሔር መልእክት ብቻ ስለሆነ ነው።
– ለሴቶች የእግዚአብሔር መልእክት ምግብ ከማብሰል የበለጠ አስፈላጊ ነው።
– ለምን?
– ምክንያቱም ሴቶችን ሁሉ ከሞት ማዳን የሚችለው የእግዚአብሔር መልእክት ብቻ ስለሆነ ነው።
– ለልጆች የእግዚአብሔር መልእክት ከጨዋታ የበለጠ አስፈላጊ ነው።
– ለምን?
– ምክንያቱም ልጆችን ሁሉ ከሞት ማዳን የሚችለው የእግዚአብሔር መልእክት ብቻ ስለሆነ ነው።
– የእግዚአብሔር መልእክት የሚገኘው የት ነው?
– የእግዚአብሔር መልእክት የሚገኘው በእግዚአብሔር መጽሐፍ ውስጥ ነው።
– የእግዚአብሔር መጽሐፍ ምን ይባላል?
– የእግዚአብሔር መጽሐፍ መጽሐፍ ቅዱስ ይባላል።
– የእግዚአብሔር መልእክት በእግዚአብሔር መጽሐፍ ውስጥ እንዴት ተጻፈ?
– እግዚአብሔር ራሱ የራሱን መልእክት በመጽሐፍ ሊጽፍ ይችል ነበር ሆኖም ግን ይህን አላደረገም።
– ከረጅም ዘመናት በፊት እግዚአብሔር ጥቂት ሰዎችን መረጠ ቃሉንም በእነዚህ ሰዎች ልብ ውስጥ አኖረ።
– ከዚያም እነዚህ ሰዎች የእግዚአብሔርን ቃል በእግዚአብሔር መጽሐፍ ውስጥ ጻፉት።
– እነዚህ ሰዎች በእግዚአብሔር መጽሐፍ ውስጥ የጻፉት የራሳቸውን ቃል ነው?
– የራሳቸውን ቃል አይደለም።
– እነዚህ እግዚአብሔር የመረጣቸው ሰዎች የራሳቸውን ቃል አልጻፉም።
– እነዚህ ሰዎች የጻፉት የእግዚአብሔርን ቃል ነው።
– እነዚህ እግዚአብሔር የመረጣቸው ሰዎች የጻፉት በትክክል የእግዚአብሔርን ቃል ነው።
– እግዚአብሔር ቃሉን በእርሱ መጽሐፍ እንዲጽፉ አርባ ያህል ሰዎችን መረጠ።
– እነዚህ የእግዚአብሔርን ቃል የጻፉት ሰዎች ሁሉም የኖሩት በተመሳሳይ ጊዜ ነበር?
– አይደለም።
– እነዚህ የእግዚአብሔርን ቃል የጻፉት ሰዎች ሁሉም በተመሳሳይ ጊዜ አልኖሩም።
– ሁሉንም የእግዚአብሔር ቃል ጽፎ ለማጠናቀቅ ምን ያህል ጊዜ ፈጀ?
– እነዚህ እግዚአብሔር የመረጣቸው ሰዎች ቃሉን ጽፈው ለማጠናቀቅ 1,600 ዓመታት ፈጅቶባቸዋል።
– እነዚህ እግዚአብሔር ቃሉን እንዲጽፉ የመረጣቸው ሰዎች እነማን ነበሩ?
– እግዚአብሔር ቃሉን እንዲጽፉ የመረጣቸው ሰዎች አይሁዶችና አንድ ግሪካዊ ነበሩ።
– እነዚህ ሰዎች የእግዚአብሔርን ቃል የጻፉት በምን ቋንቋ ነበር?
– በአይሁዶችና በግሪኮች ቋንቋ ነበር።
– እነዚህ ሰዎች የእግዚአብሔርን ቃል የጻፉት በእንግልእኛ ነበር?
– አይደለም
– እነዚህ ሰዎች የእግዚአብሔርን ቃል የጻፉት በአማርኛ ነበር?
– አይደለም።
– እነዚህ ሰዎች የእግዚአብሔርን ቃል የጻፉት በኦሮምኛ ነበር?
– አይደለም።
– እነዚህ ሰዎች የእግዚአብሔርን ቃል የጻፉት በራሳቸው ቋንቋ ነበር።
– ምክንያቱም እግዚአብሔር ቃሉን እንዲጽፉ የመረጣቸው ሰዎች አይሁዶችና አንድ ግሪካዊ ስለነበሩ ነው።
– እነዚህ ሰዎች የእግዚአብሔርን ቃል የጻፉት በአይሁዶችና በግሪኮች ቋንቋ ነበር።
– ከብዙ ጊዜ በኋላም ሌሎች ሰዎች ወደ አይሁድ ምድር መጡ የእግዚአብሔርን ቃል አነበቡ፤ ወደ የራሳቸውም ቋንቋ ተረጐሙት።
– የእግዚአብሔር ቃል በብዙ ቋንቋዎች ተተርጉሟል።
– የእግዚአብሔር ቃል በእናንተም ቋንቋ ተተርጐሟል፤ እየተተረጐመም ነው።
– በእግዚአብሔር መጽሐፍ ውስጥ ከተጻፈው የእግዚአብሔር ቃል መካከል ስንቱ እውነት ነው?
– ሁሉም እውነት ነው።
– በእግዚአብሔር መጽሐፍ ውስጥ የሚገኘው ሁሉም የእግዚአብሔር ቃል እንዴት እውነት ሊሆን ቻለ?
– ምክንያቱም እግዚአብሔር በፍጹም ስለማይዋሽ ነው።
– እግዚአብሔር እውነትን ብቻ ስለሚናገር ነው።
– በእግዚአብሔር መጽሐፍ ውስጥ የሚገኙትን የእግዚአብሔርን ቃሎች የምናምነው ለምንድነው?
– ምክንያቱም እግዚአብሔር በፍጹም ስለማይዋሽ ነው።
– እግዚአብሔር እውነትን ብቻ ስለሚናገር ነው።
– ሁልጊዜ እውነትን ብቻ የሚናገር ማን ነው?
– እግዚአብሔር ነው
– እኔ በእግዚአብሔር መጽሐፍ የሚገኘውን የእግዚአብሔርን ቃል አንብቤ ሁሉም የእግዚአብሔር ቃል እውነት መሆኑን አውቄያለሁ።
– እናንተም የእግዚአብሔርን ቃል ብትሰሙ የእግዚአብሔር ቃል እውነት መሆኑን ታውቃላችሁ።
– የዚህ ምክንያቱ እግዚአብሔር በፍጹም ስለማይዋሽ ነው።
– የዚህ ምክንያቱ እግዚአብሔር እውነትን ብቻ ስለሚናገር ነው።
– እግዚአብሔር ብዙ የሚነግረን ነገር አለው።
– ስለዚህ የእግዚአብሔር ቃል ለእናንተ ለማስተማር ብዙ ቀን ያስፈልጋል።
– አንድ ምሳሌ ልንገራችሁ፡
– የእርሻን ሥራ ለማወቅ ምን ያህል ቀናት ይወስዳል?
– አዎ ብዙ ቀናት ይወስዳል።
– የእርሻን ሥራ ለማወቅ ብዙ ቀናት የሚወስደው ለምንድን ነው?
– ምክንያቱም ስለ አስተራረስ ልናውቃቸው የሚገቡን ብዙ እውነቶች ስላሉ ነው።
– መሬቱን እንዴት ለዘር እንደምታዘጋጁ ማወቅ አለባችሁ።
– እንዴት አድርጋችሁ ዘር መዝራት እንዳለባችሁ ማወቅ አለባችሁ።
– እንዴት አድርጋችሁ አረም ማረም እንዳለባችሁ ማወቅ አለባችሁ።
– የደረሰውን ሰብል እንዴት እንደምትሰበስቡ ማወቅ አለባችሁ።
– የእርሻን ሥራ ለማወቅ ብዙ ቀን እንደሚያስፈልግ ሁሉ የእግዚአብሔርን ቃል ለመማርም ብዙ ቀን ያስፈልጋል።
– ለዚህም ምክንያቱ በእግዚአብሔር ቃል ውስጥ ብዙ እውነቶች ስላሉ ነው።
– የእግዚአብሔርን ቃል ለብዙ ቀናት ካደመጣችሁ ስለ እግዚአብሔር ብዙ እውነቶችን ትማራላችሁ።
– ሌላ ምሳሌ ልንገራችሁ፡
– በየቀኑ ምግብ ትበላላችሁ?
– አዎ ትበላላችሁ።
– በየዕለቱ ምግብ የምትበሉት ለምንድን ነው?
– ምክንያቱም ሰውነታችሁ በየዕለቱ ምግብ ስለሚፈልገው ነው።
– ሰውነታችሁ በየዕለቱ ምግብ እንደሚያስፈልገው ሁሉ የእግዚአብሔርንም ቃል በየዕለቱ ማዳመጥ ያስፈልጋችኋል።
– በየቀኑ ካልተመገባችሁ ምን ትሆናላችሁ?
– አዎ ትሞታላችሁ።
– የእግዚአብሔርን ቃል በየዕለቱ ካላዳመጣችሁም እንዲሁ ትሞታላችሁ።
– አንዳንድ ሰዎች የእግዚአብሔርን ቃል የማያውቁት ለምንድን ነው?
– እነዚህ ሰዎች የእግዚአብሔርን ቃል ለማዳመጥ ስለማይፈልጉ ነው።
– እነዚህ ሰዎች የእግዚአብሔርን ቃል ለማመን ስለማይፈልጉ ነው።
– የእግዚአብሔርን ቃል በየቀኑ የምታደምጡ ከሆነ ደስተኛ ትሆናላችሁ።
– የእግዚአብሔርን ቃል በየቀኑ ካላዳመጣችሁ ደስተኞች አትሆኑም።
– የእግዚአብሔርን ቃል በየቀኑ ለማዳመጥ እንደምትመጡ ተስፋ አደርጋለሁ።