Nepali – 12

पाठ १२

१. जब शैतान हव्वालाई छल गर्न आयो त्यसबेला उसले आफूलाई कसरी लुकायो ?

– सर्प भित्र आफूलाई लुकायो ।

२. के आफूसँग सर्प बनेर कुरा गर्ने शैतान हो भन्ने हव्वालाई थाहा थियो ?

थिएन ।

३.शैतानले किन आफूलाई सर्पमा लुकायो ?

किनभने शैतान हव्वालाई पासोमा पार्न चाहन्थ्यो ।
किनभने शैतान हव्वालाई छल गर्न चाहन्थ्यो ।
किनभने शैतान हव्वालाई खतम पार्न चाहन्थ्यो ।

४.के शैतानले आज पनि मानिसहरूलाई पासोमा पार्न र छल गर्न कोशिस गर्छ ?

हो, गर्छ ।

५. शैतानले कसरी आज मानिसहरूलाई पासोमा पार्न र छल गर्न कोशिस गर्छ ?

पहिलो, शैतान हाम्रो समझसँग कुरा गर्छ ।
दोस्रो, शैतान अरू मानिसहरूद्वारा कुरा गर्छ ।
तेस्रो, शैतान उसका सहयोगी शैतानहरूद्वारा कुरा गर्छ ।

६.असल र खराबको ज्ञान दिने रूखको फल खाएमा तिनीहरूलाई के हुनेथियो भनेर परमेश्वरले आदमलाई भन्नुभयो ?

तिनीहरू मर्नेछन् ।

७.तर शैतानले हव्वालाई तिनीहरूले असल र खराबको ज्ञान दिने रूखको फल खाए भने के हुन्छ भन्यो ?

तिनीहरू मर्ने छैनन् ।
तिनीहरू परमेश्वरजस्तै हुनेछन् ।

८. शैतानले परमेश्वरलाई के भनिरहेको थियो ?

एकजा झूठो व्यक्ति ।

९. आदम र हव्वाले पाप गरिसकेपछि जब तिनीहरूले नाङ्गै छौं भन्ने थाहा पाए त्यसपछि तिनीहरूले के गरे ?

तिनीहरूले पातका लुगा बनाएर लगाए ।

१०. आदम र हव्वाले पाप गरिसकेपछि जब तिनीहरूले परमेश्वर तिनीहरूलाई भेट्न आउँदै हुनुहुन्छ भन्ने सुने तिनीहरूले के गरे ?

तिनीहरू परमेश्वरबाट लुके ।

११. के परमेश्वरबाट लुक्न सम्भव छ ?

छैन, परमेश्वर जहाँसुकै हुनुहुन्छ ।

१२. शैतान कसलाई घृणा गर्छ ?

शैतान परमेश्वर र सबै मानिसहरूलाई घृणा गर्छ ।

१३. के शैतान तपाईंले परमेश्वरको कुरा सुन्नुहोस् भन्ने चाहन्छ ?

चाहदैन ।

१४. किन शैतान तपाईंले परमेश्वरको वचन सुनेको चाहदैन ?

किनभने शैतान सबै मानिसहरूलाई घृणा गर्छ र तिनीहरू आत्मिक आगोको दहमा पुगून् भन्ने चाहन्छ ।
आदम र हव्वाले उहाँको आज्ञा उल्लङ्घन गरेपछि परमेश्वरले के गर्नुभयो ?

आउनुस् उत्पत्ति ३:९

⁹परमप्रभु परमेश्वरले त्यस पुरुष मानिसलाई बोलाउनु भयो अनि सोध्नु भयो, “तिमी कहाँ छौ?”

जब आदम र हव्वाले उहाँको आज्ञा उल्लङ्घन गरे त्यसपछि परमेश्वरले आदमलाई बोलाउनुभयो ।
परमेश्वरले आदमलाई बोलाउनुभयो किनभने उहाँलाई आदम कहाँ छन् भन्ने थाहा थिएन हो ?
होइन ।
परमेश्वलाई सबै कुरा थाहा छ ।
परमेश्वर सबै कुरा देख्नुहुन्छ ।
कोही पनि परमेश्वरबाट लुक्न सक्दैन ।
परमेश्वरले आदमलाई किन बोलाउनुभयो ?
परमेश्वर आदमले उहाँसामु आएर तिनले गरेको पाप स्वीकार गरून् भन्ने चाहनुहुन्थ्यो ।
परमेश्वर आदमले उहाँसमु आएर तिनले परमेश्वरको आज्ञा उल्लङ्घन गरेको कुरा जाहरे गरून् भन्ने चाहनुहुन्थ्यो ।
परमेश्वर आदमले उहाँसामु आएर तिनले शैतानको कुरा सुनेको कुरा परमेश्वरमा जाहेर गरून् भन्ने चाहनुहुन्थ्यो ।
परमेश्वरले आदमलाई किन बोलाउन सक्नुहुन्थ्यो ?
किनभने आदमलाई परमेश्वरले बनाउनुभएको हो ।
किनभने आदम परमेश्वरको अधीनमा छन् ।
किनभने परमेश्वरले आदमलाई उहाँको आज्ञा मानून् भनेर सृष्टि गर्नुभएको हो ।
परमेश्वरले मानिसहरूलाई किन बोलाउन सक्नुहन्छ ?
किनभने सबै मानिसहरूलाई परमेश्वरले बनाउनुभएको हो ।
किनभने सबै मानिसहरू परमेश्वरको अधीनमा छन् ।
किनभने परमेश्वरले सबै मानिसहरूले उहाँको आज्ञा मानून् भनेर सृष्टि गर्नुभएको हो ।
परमेश्वर परिवर्तन हुनुहुदैन ।
परमेश्वरले अहिले पनि मानिसहरूलाई बोलाउनुहुन्छ ।
आज परमेश्वरले मानिसहरूलाई कसरी बोलाउनुहुन्छ ?
पहिलो, परमेश्वरले मानिसहरूलाई उहाँको सृष्टिद्वारा बोलाउनुहुन्छ ।
परमेश्वरको सृष्टिले परमेश्वर हुनुहुन्छ भन्ने कुरा देखाउँछ र सबै कुरा परमेश्वरले नै बनाउनुभएको हो र परमेश्वर हामीले उहाँको कुरा सुनेको चाहनुहुन्छ भन्ने कुरा देखाउँछ ।
दोस्रो, परमेश्वर मानिसहरूलाई उहाँको पुस्तकद्वारा बोलाउनुहुन्छ ।
परमेश्वरको पुस्तक, बाइबल, तपाईंको निम्ति परमेश्वरको सन्देश हो ।
परमेश्वरको पुस्तक, बाइबल, द्वारा परमेश्वर तपाईंसँग कुरा गर्नुहुन्छ ।
जब परमेश्वरले आदमलाई बोलाउनुभयो तिनले के जवाफ दिए ?

आउनुस् उत्पत्ति ३:१० पद पढौं ।

¹⁰तब त्यस पुरुष मानिसले उत्तर दियो, “तपाईको आवाज मैले बगैंचा भित्र चाल पाएँ र म नाङ्गैं रहेको हुँदा डराएँ र म लुकें।”

आदम र हव्वा परमेश्वरसँग किन डराएका थिए ?
किनभने तिनीहरूले परमेश्वरको आज्ञा उल्लङ्घन गरेका थिए ।
यहाँ एउटा उदाहरण छ ।
जब चोरले आफ्नो बारीमा मकै चोरिरहेको बेलामा बारीको धनी त्यहाँ आइपुग्यो भने के चोर लुक्दैन र ?
लुक्छ ।
किनभने आदम र हव्वाले पाप गरे र परमेश्वरको आज्ञा उल्लङ्घन गरे त्यसैले तिनीहरू उहाँबाट लुके ।
त्यसपछि परमेश्वरले आदमलाई के भन्नुभयो ?

आउनुस् उत्पत्ति ३:११ पद पढौं ।

¹¹तब परमप्रभु परमेश्वरले भन्नुभयो, “तिमी नाङ्गैं छौ भनी कसले भन्यो? के तिमीले मैले जुन रुखबाट फल नखानु भनी आज्ञा दिएको थिएँ त्यसैको फल त खाएनौ?”

परमेश्वरले आदमलाई किन कतै तिनले त्यो फल त खाएनन् भनेर किन सोध्यो ?
के परमेश्वरलाई आदमले फल खाएका थिए भन्ने थाहा थिएन र ?
थाहा थियो ?
परमेश्वरले किन आदमलाई तिनले त्यो फल खाएकी भनेर सोध्नुभयो ?
परमेश्वर आदमले उहाँसामु आएर तिनले गरेको पाप स्वीकार गरून् भन्ने चाहनुहुन्थ्यो ।
परमेश्वर आदमले उहाँसामु आएर तिनले परमेश्वरको आज्ञा उल्लङ्घन गरेको कुरा जाहरे गरून् भन्ने चाहनुहुन्थ्यो ।
परमेश्वर आदमले उहाँसामु आएर तिनले शैतानको कुरा सुनेको कुरा परमेश्वरमा जाहेर गरून् भन्ने चाहनुहुन्थ्यो ।
परमेश्वर आदमलाई किन प्रश्न गर्न सक्नुहुन्थ्यो ?
किनभने परमेश्वर नै एक हुनुहुन्थ्यो जसले आदमलाई सृष्टि गर्नुभयो ।
किनभने परमेश्वरले सबै मानिसहरूको सृष्टि गर्नुभयो त्यसैले उहाँले सबैलाई प्रश्न गर्न सक्नुहुन्छ ।
एकदिन परमेश्वरले सबै मानिसहरूलाई प्रश्न सोध्नुहुनेछ र सबै मानिसहरूले परमेश्वरलाई जवाफ दिनुपर्नेछ ।
परमेश्वरले आदमलाई सोध्नुभयो र आदमले के जवाफ दिए ?

आउनुस् उत्पत्ति ३:१२-१३ पद पढौं ।

¹²त्यस मानिसले भने, “स्त्री जो तपाईंले मसित बस्न दिनु भयो, उसैले मलाई रुखको फल दिईन् अनि मैले खाएँ।”

¹³तब परमप्रभु परमेश्वरले त्यस स्त्री मानिसलाई भन्नुभयो, “तिमीले किन यस्तो काम गर्यौ?”

तब त्यस स्त्रीले भनी, “सर्पले मलाई धोका दियो र मैले त्यो फल खाएँ।”

आदमले हव्वालाई दोष देखाए र हव्वाले सर्पलाई दोष लगाइन् ।
परमेश्वरलाई सत्य कुरा पहिल्यै थाहा थियो ।
कुनै पनि सत्य परमेश्वरबाट लुक्न सक्दैन ।
कोही मानिस चोरी गर्दागर्दै पक्रियो भने उसले के गर्छ ?
ऊ अरू कसैलाई दोष लगाउने कोशिस गर्छ ।
हामी सायद अरू कसैलाई दोष लगाएर अरूलाई छल गर्नसक्छौं ।
तर हामी अरू कसैलाई दोष लगाएर परमेश्वरलाई छल गर्न सक्दैनौं ।
परमेश्वरलाई साँचो कुरा सधैँ थाहा हुन्छ ।
जसले उहाँको आज्ञाको उल्लङ्घन गर्छ त्यसलाई परमेश्वरले सधैं दण्डित गर्नुहुन्छ ।
जसले पाप गर्छ त्यसलाई परमेश्वरले सधैँ दण्डित गर्नुहुन्छ ।
पहिलो, परमेश्वरले सर्पलाई दण्ड दिनुभयो ।

आउनुस् उत्पत्ति ३:१४ पद पढौं ।

¹⁴तब परमप्रभु परमेश्वरले सर्पलाई भन्नुभयो, “तैंले यस्तो काम गरेको हुनाले, तँलाई अन्य पशुहरू गाई-वस्तु र अरू सबै जङ्गली पशुहरूलाईभन्दा अझै ज्यादा श्राप दिनेछु । तैंले तेरो जीवन भरी आफ्नो पेटले घस्रनु र माटो खाएर बस्नु परोस्।

परमेश्वरले सर्पलाई कसरी दण्ड दिनुभयो ?
अब सर्पले आफ्नो शरीरले घस्रेर हिँड्नु पर्नेभयो ।
परमेश्वरले सर्पलाई किन दण्ड दिनुभयो ?
सर्पले त हव्वासँग कुरा गरेको थिएन ।
शैतानले पो हव्वासँग कुरा गरेको थियो ।
त्यसोभए परमेश्वरले किन सर्पलाई दण्ड दिनुभयो ?
किनभने परमेश्वरले सबै पापहरूलाई दण्डित गर्नुहुन्छ ।
किनभने शैतानले सर्पलाई पापको निम्ति प्रयोग गर्‍यो ।
परमेश्वरले सबै पापलाई दण्डित गर्नुहुन्छ ।
दोस्रो, परमेश्वरले हव्वालाई दण्ड दिनुभयो ।

आउनुस् उत्पत्ति ३:१६ पद पढौं ।

¹⁶त्यसपछि परमप्रभु परमेश्वरले त्यस स्त्रीलाई भन्नुभयो, “जब तिमी गर्भधारण गर्नेछौ त्यस अवस्थामा म तिमीलाई अति कष्ट दिनेछु, र आफ्नो सन्तान जन्माउने बेलामा तिमीले साह्रै नै प्रसव वेदना सहनु पर्नेछ। तिमी आफ्नो पतिको चाहना गर्नेछौ। तर उनले तिमीलाई शासन गर्नेछ।”

परमेश्वरले हव्वालाई कसरी दण्ड दिनुभयो ?
हव्वाले अब बच्चालाई जन्मदिँदाखेरि धेरै सुत्केरी व्यथा सहनुपर्ने भयो ।
हव्वाले पाएको दण्ड सबै महिलाले पाएको दण्ड हो ।
अब सबै महिलाले बच्चा जन्माउँदाखेरि धेरै व्यथा सहनुपर्छ ।
तेस्रो, परमेश्वरले आदमलाई दण्ड दिनुभयो ।

आउनुस् उत्पत्ति ३:१७-१९ पद पढौं ।

¹⁷त्यसपछि परमप्रभु परमेश्वरले त्यस मानिसलाई भन्नुभयो, “जब तिमीले तिम्री पत्नीको कुरा मानेर मैले नखानु भनी आज्ञा दिएको रुखको फल खायौ,र म तिम्रो कारणले भूमिलाई सराप्ने छु, जुन खाद्य पदार्थ भूमिबाट तिमीले पाउनेछौ, त्यसको निम्ति तिमीले तिम्रो सारा जीवन भरि मेहनत गर्नु पर्नेछ।¹⁸त्यो भूमिले तिम्रो निम्ति जंङ्गली घाँस र काँढाहरू उमार्नेछ अनि तिमीले जङ्गलमा उम्रेको सागपात खानु पर्नेछ। ¹⁹तिमीले आफ्नो आहारको निम्ति आफ्नो अनुहार पसीनाले छ्याप्-छ्याप्ती नहुन्जेलसम्म मेहनत गर्नु पर्नेछ, मरुन्जेलसम्म नै तिमीले मेहनत गर्नु पर्नेछ। त्यसपछि तिमी फेरि माटोमा मिल्नेछौ। मैले तिमीलाई बनाउँदा माटोको प्रयोग गेरको थिएँ र जब तिमी मर्ने छौ फेरि माटोमा मिल्नेछौ।”

परमेश्वरले आदमलाई कसरी दण्ड दिनुभयो ?
आदमले पसिना निकालेर जमिन खन्नुपर्ने भयो र त्यसले दिने उब्जनीबाट गुजारा गर्नुपर्ने भयो ।
आदमले पाएको सजाय सबै पुरुषले पाएको सजाय हो ।
अब सबै पुरुषहरूले पसिना चुहाएर जमिन खन्छन् र अन्न उब्जनी गर्छन् ।
परमेश्वरले आदमलाई अरू के सजाय दिनुभयो ?
परमेश्वरले सारा पृथ्वीलाई सराप दिनुभयो ।
परमेश्वरले पृथ्वीलाई सराप दिनुभएको कुराका चिन्हहरू के हुन् ?
यहाँ धेरै काँडा र झारपात छन् ।
यहाँ धेरै खडेरी र बाढी छ ।
यहाँ धेरै विषालु बोटबिरुवा र सर्प छन् ।

जनावरहरूले मानिसलाई टोक्छन् ।
मानिसले कडा परिश्रम गर्नुपर्छ ।
मानिस बिरामी पर्छ ।
मानिस मर्छ ।
किनभने आदम र हव्वाले परमेश्वरको आज्ञा उल्लङ्घन गरेको हुनाले धर्ति श्रापित भयो ।
किनभने आदम र हव्वाले परमेश्वरको आज्ञा उल्लङ्घन गरेको हुनाले धर्ति दुष्ट्याइँले भरियो ।
किनभने आदम र हव्वाले परमेश्वरको आज्ञा उल्लङ्घन गरेको हुनाले सबै मानिस मर्छन् ।
परमेश्वरले अनाज्ञाकारिताका निम्ति दिनुभएको दण्ड आत्मिक मृत्यु हो ।
परमेश्वरले पापको निम्ति दिनुभएको दण्ड आत्मिक मृत्यु हो ।
आदम र हव्वालाई दण्डित गरिसकेपछि परमेश्वरले के भन्नुभयो आउनुस् पढौं ।

आउनुस् उत्पत्ति ३:१५ पद पढौं ।

¹⁵म तँ र त्यस स्त्रीमाझ
शत्रुता सृष्टि गर्नेछु । तेरो सन्तान र त्यस स्त्रीका सन्तानमाझ पनि
शत्रुता सृष्टि गर्नेछु जसले गर्दा त्यसका सन्तानहरूले तेरो टाउको किच्याउने छन्
अनि तेरा सन्तानहरूले पनि तिनीहरूको कुर्कुच्चामा डस्ने छन् ।”

परमेश्वरले कसको बारेमा कुरा गर्नुहुदैथियो ?
परमेश्वर शैतानको बारेमा कुरा गर्नहुदैथियो ।
परमेश्वरले शैतानलाई के भन्नुभयो ?
परमेश्वरले शैतानलाई कसैले उसको टाउको कुच्याउनेछ र उसले त्यसको कुर्कुच्चो डस्नेछ भन्नुभयो ।
कसले शैतानको टाउको कुच्याउने थियो ?
उद्धारकर्ताले ।
आदम र हव्वालाई सजाय दिइसकेपछि तत्कालै परमेश्वरले के गर्ने प्रतिज्ञा गर्नुभयो ?
आदम र हव्वालाई सजाय दिइसकेपछि तत्कालै परमेश्वरले एकजना उद्धारकर्ता पठाउने प्रतिज्ञा गर्नुभयो ।
उद्धारकर्ताले के गर्नुहुनेथियो ?
उद्धारकर्ता पापको शक्तिबाट मानिसहरूलाई बचाउन आउनुहुनेथियो ।
उद्धारकर्ता मृत्युको शक्तिबाट मानिसहरूलाई बचाउन आउनुहुनेथियो ।
उद्धारकर्ता शैतानको शक्तिबाट मानिसहरूलाई बचाउन आउनुहुनेथियो ।
उद्धारकर्ता शैतानको विरुद्धमा लडाइँ गर्न आउनुहुनेथियो ।
शैतानले उद्धारकर्तालाई घाइते बनाउने थियो तर उहाँले शैतानलाई पराजित गर्नुहुनेथियो ।
उद्धारकर्ता को हुनुहुने वाला थियो ?
उद्धारकर्ता एकजना कुमारीको पुत्र हुनुहुने थियो ।
परमेश्वरले किन उद्धारकर्ता पठाउने प्रतिज्ञा गर्नुभयो ?
किनभने परमेश्वरले सबै मानिसहरूलाई धेरै प्रेम गर्नुहुन्छ ।
के आदम र हव्वाले परमेश्वरको प्रेमको कदर गरे ?
अहँ, गरेनन् ।
किन आदम र हव्वाले परमेश्वरको प्रेमको कदर गरेनन् ?
किनभने तिनीहरूले परमेश्वरको आज्ञाको उल्लङ्घन गरे र शैतानको कुरा सुने ।
आदम र हव्वाको अनाज्ञाकारिताले के कुरा ल्यायो ?
तिनीहरूको अनाज्ञाकारिताले आत्मिक मृत्यु ल्यायो ।
आदम र हव्वाको अनाज्ञाकारिताले मृत्यु ल्यायो ।
तर परमेश्वरले तिनीहरूलाई बचाउन उद्धारकर्ता पठाउने प्रतिज्ञा गर्नुभयो ।
यहाँ एउटा उदाहरण छ ।
एउटा मर्न लागिरहेको मानिस तपाईंको घरमा आउँछ ।
तपाईं उसको निम्ति औषधि र खाना ल्याउनुहुन्छ ।
ऊ तपाईंको घरमा धेरै दिन बस्छ ।
अन्तत: ऊ निको हुन्छ ।
त्यस मानिसले घर छोड्नु अघि तपाईंको गाई चोर्छ ।
पछि फेरि त्यो मानिस फर्केर आउँछ र यसपालि पनि बिरामीले मर्न लागिरहेको हुन्छ ।
एकपटक फेरि तपाईं त्यसको निम्ति औषधि र खाना किन्नुहुन्छ ।
फरि एकपटक त्यो मानिस निको हुन्छ ।
त्यस मानिसले फेरि तपाईंको गाई चोर्छ र सजायको भागिदार हुन्छ ।
तर अझै तपाईंले भने त्यो मानिस निको होस् भनेर सहयोग गर्नुभयो ।
आदम र हव्वाको अनाज्ञाकारिताले मृत्यु ल्यायो ।
तर अझै परमेश्वरले भने एकजना उद्धारकर्ता पठाउने प्रतिज्ञा गर्नुभयो ।