Nepali – 08

पाठ ८

१. के परमेश्वरले पृथ्वीलाई स्वर्गदूतहरू वा शैतान वा उसका सहयोगी शैतानहरूको निम्ति तैयार पार्नुभएको थियो ?

– होइन ।

२. त्यसोभए कसको लागि परमेश्वरले पृथ्वी तैयार पार्नुभएको थियो त ?

– परमेश्वरले पृथ्वी हामी मानिसहरूको निम्ति तैयार पार्नुभएको थियो ।

३. परमेश्वरले सृष्टि गर्नुभएका थोकहरूमध्ये को सबैभन्दा बढी महत्वपूर्ण छ ?

– मानिस ।

४. किनभने परमेश्वरले सृष्टि गर्नुभएका सबै थोकमध्ये मानिस सबैभन्दा बढी महत्वपूर्ण थियो, मानिसलाई परमेश्वरले कसरी बनाउने निर्णय गर्नुभयो ?

– परमेश्वरले मानिसलाई उहाँको स्वरूपमा बनाउने निर्णय गर्नुभयो

५. मानिसको कुन अङ्ग परमेश्वरको स्वरूपमा बनिएको छ ?

– हाम्रो समझ, संवेग र इच्छा ।

६. हाम्रो समझले हामीले के गरेको परमेश्वर चाहनुहुन्छ ?

– परमेश्वरले हामीले जुन असल कुरा हो त्यो सोचेको चाहनुहुन्छ ।

– परमेश्वर हामीले परमेश्वरको बारेमा सोचेको चाहनुहुन्छ ।

७. परमेश्वरले हामीलाई किन संवेग दिनुभयो ?

– ताकि हामी परमेश्वरलाई प्रेम गर्न सकौं ।

८. हाम्रो इच्छाले के गरेको परमेश्वर चाहनुहुन्छ ?

– परमेश्वर हामीले जे कुरा असल छ त्यसको छनोट गरेको चाहनुहुन्छ ।

– परमेश्वर हामीले परमेश्वरलाई छानेको चाहनुहुन्छ ।

९. परमेश्वरले आदिमा कति जना मानिस सृष्टि गर्नुभयो ?

– केवल एक जना पुरुष र एक जना महिला ।

१०. पहिलो मानिसको नाम के थियो ?

– आदम

११. आदमलाई सृष्टि गरिसके पछि उहाँले आदमसित के गर्नुभयो ?

– परमेश्वरले आदमलाई पृथ्वीमा भएका सबै थोकहरूको मालिक बनाउनुभयो ।

१२. आदिमा जीवन कस्तो थियो ?

आदिमा त्यहाँ कुनै रीसराग थिएन ।
आदिमा त्यहाँ कुनै घृणा थिएन ।
आदिमा त्यहाँ कुनै दुष्ट्याइँ थिएन ।
आदिमा त्यहाँ कुनै मृत्यु थिएन ।

१३. परमेश्वरले सिद्ध संसार सृष्टि गरिरहनुभएको कसले हेरिरहेको थियो ?

– परमेश्वरका स्वर्गदूतहरू, शैतान र उसका सहयोगी शैतानहरूले ।

१४. परमेश्वरले सिद्ध संसार रच्नुभएको देखेर शैतान र उसका सहयोगी शैतानहरू खुश भए ?

– अहँ, भएनन् ।

के परमेश्वरले स्वर्ग र पृथ्वीको सृष्टि पूरा गरिसक्नुभएको थियो ।
हो ।

आउनुस् उत्पत्ति २:१ हेरौं ।

यसरी पृथ्वी, आकाश र तिनीहरूभित्र प्रत्येक वस्तुको सृष्टि पूरा भयो।

परमेश्वरले सबै कुरा सृष्टि गर्ने काम पूरा गर्नुभएको थियो ।
आफूले गर्ने योजना बनाएको सबै कुरा परमेश्वरले पूरा गर्नुभएको थियो ।
कहिलेकाहीँ मानिसहरूले काम सुरू गर्छन् तर पूरा गर्दैनन् ।
कहिलेकाहीँ मानिसले घर बनाउन सुरू गर्छ तर पूरा गर्दैन ।
कहिलेकाहीँ स्वास्निमानिसले भाँडो बनाउन सुरू गर्छे तर पूरा गर्दिन ।
कहिलेकाहीँ काम धेरै गाह्रो भएको कारणले गर्दा मानिसहरूले काम पूरा गर्दैनन् ।
कहिलेकाहीँ कसैले रोकेको कारणले गर्दा मानिसहरूले काम पूरा गर्दैनन् ।
तर परमेश्वर भने मानिसजस्तो हुनुहुन्न ।
जब परमेश्वर कुनै काम सुरू गर्नुहुन्छ तब त्यो काम धेरै गाह्रो भएको कारणले रोक्नुहुन्न ।
जब परमेश्वर कुनै काम सुरू गर्नुहुन्छ तब त्यो काम कसैले रोकेको कारणले रोक्नुहुन्न ।
जब परमेश्वरले कुनै काम सुरू गर्नुहुन्छ तब त्यो काम पूरा गरेरै छोड्नुहुन्छ ।
आफूले पूरा गरेको काम किन परमेश्वरले पूरा गरेरै छोड्नुहुन्छ ?
किनभने परमेश्वर कहिल्यै फेरिनुहुन्न ।
किनभने परमेश्वरलाई उहाँको काम पूरा गर्न कुनै कुराले छेक्न सक्दैन ।
जब परमेश्वरले काम सुरू गर्नुहुन्छ तब मानिसले उहाँको काम रोक्न सक्छ ?
अहँ ।
जब परमेशरले काम सुरू गर्नुहुन्छ तब शैतान वा उसका सहयोगी शैतानहरूले उहाँको काम रोक्न सक्छन् ?
अहँ ।
जब परमेश्वरले कुनै काम गर्ने प्रतिज्ञा गर्नुहुन्छ तब उहाँले त्यो पूरा गरेरै छोड्नुहुन्छ ।
स्वर्ग र पृथ्वीको सृष्टि गरिसकेपछि परमेश्वरले के गर्नुभयो आउनुस् पढौं ।

आउनुस् उत्पत्ति २:२-३ पद पढौं ।

²परमेश्वरले आफूले गर्दै गरेको काम पूरा गर्नुभयो। यसर्थ, सातौं दिनमा परमेश्वरले आफ्ना कामहरूबाट विश्राम लिनुभयो। ³परमेश्वरले सातौं दिनलाई आशीर्वाद दिनुभयो र एउटा पवित्र दिन बनाउनु भयो, परमेश्वरले यस दिनलाई एक विशेष दिन मान्नुभयो कारण त्यस दिन उहाँले संसार सृष्टि गर्ने कार्यबाट विश्राम लिनु भयो।

सातौं दिन परमेश्वरले किन विश्राम लिनुभयो ?
के परमेश्वर थाक्नुभएको थियो ?
अहँ ।
सबै थोक सृष्टि गरिसके पछि पनि परमेश्वर किन थाक्नुभएको थिएन ?
किनभने परमेश्वर थाक्नुहुन्न ।
किनभने परमेश्वरको शक्ति कहिल्यै सद्धिदैन ।
त्यसोभए परमेश्वरले सातौं दिन किन विश्राम लिनुभयो त ?
किनभने परमेश्वरले आफूले योजना गरेको सृष्टिको सबै काम पूरा गर्नभएको थियो ।
परमेश्वरले कति दिनमा सबै थोक सृष्टि गरिसक्नुभयो ?
केवल छ दिनमा ।
एउटा घर बनाउन कति दिन लाग्छ ?
सायद तीन महिनाभन्दा बढी ।
तर यहाँ हेर्नुहोस् केवल छ दिनमा परमेश्वरले सबै थोक सृष्टि गर्नुभयो ।
केवल परमेश्वरले मात्रै केवल छ दिनमा स्वर्ग र पृथ्वीको सृष्टि गर्न सक्नुहुन्छ ।

आउनुस् उत्पत्ति २:४ख र ६ पद पढौं ।

परमेश्वरले पृथ्वी र आकाश सृष्टि गर्दा भएका घटनाहरूको कुरा यही नै हो। ⁶पृथ्वीबाट पानी निस्कियो अनि मैदानमा फैलियो।

जब परमेश्वरले पहिले पृथ्वीको सृष्टि गर्नुभयो त्यहाँ वर्षा हुँदैनथ्यो ।
जब त्यहाँ वर्षा हुँदैनथ्यो भने परमेश्वरले कसरी पृथ्वीमा पानीले भर्नुभयो ?
परमेश्वरले जमिनबाट निस्किने हुस्सुले पृथ्वीलाई पानीले भर्नुभयो ।

आउनुस् उत्पत्ति २:८ पद पढौं ।

⁸परमप्रभु परमेश्वरले अदन नाउँ भएको ठाउँमा पूर्वपट्टि एउटा बगैंचा बनाउनु भयो र उहाँले सृष्टि गर्नु भएको मानिसलाई त्यहाँ राख्नु भयो।

आदिमा परमेश्वरले एउटा सुन्दर बगैँचा लगाउनुभयो ।
त्यस बगैँचाको नाम के थियो ?
अदनको बगैंचा ।

कसको निम्ति परमेश्वरले त्यो बगैँचा लगाउनुभएको थियो ?
आदमको निम्ति ।
आदमको निम्ति परमेश्वरले किन बगैँचा लगाउनुभयो ?
किनभने परमेश्वरले आदमलाई धेरै प्रेम गर्नुहुन्थ्यो ।
जब परमेश्वरले बगैँचा लगाउनुभयो, उहाँले आदमलाई त्यस बगैँचामा राख्नुभयो ।
के परमेश्वरले आदमलाई म तँलाई बगैँचामा राख्नसक्छु कि भनी सोध्नुभयो ?
अहँ ।
परमेश्वरले किन आदमलाई म तँलाई बगैँचामा राख्नसक्छु कि भनी सोध्नुभएन ?
किनभने आदमलाई परमेश्वरले बनाउनुभएको हो, आदम परमेश्वरको अधीनमा थिए ।
किनभने सबै मानिसलाई परमेश्वरले बनाउनुभएको हो, तिनीहरू कसको अधीनमा हुनुपर्छ ?
सबै मानिसहरू परमेश्वरको अधीनमा हुनुपर्छ ।
किनभने सबै थोक परमेश्वरले बनाउनुभएको हो, सबै थोक कसको अधीनमा हुनुपर्छ ?
सबै थोक परमेश्वरको अधीनमा हुनुपर्छ ।
अदनको बगैँचाको मध्य भागमा परमेश्वरले दुईवटा विशेष प्रकारका रूखहरू लगाउनुभयो ।

आउनुस् उत्पत्ति २:९ख पद पढौं ।

उहाँले बगैंचाको बीचमा जीवनको रुख अनि असल र खराबको ज्ञान दिन योग्य रुख पनि रोप्नु भयो।

परमेश्वरले अदनको बगैँचाको मध्य भागमा लगाउनुभएको पहिलो रूखको नाउँ के थियो ?
जीवनको रूख ।
परमेश्वरले किन अदनको बगैँचाको मध्य भागमा जीवनको रूख लगाउनुभएको थियो ?
आदमले त्यस् रूखको फल खाऊन् र अजम्बरी बनून् भन्ने परमेश्वर चाहनुहुन्थ्यो ।
परमेश्वरले आदमलाई जीवनको रूखको फल खानै पर्छ भनी कर गर्नुभएन ।
परमेश्वर आदमले छनोट गरेको चाहनुहुन्थ्यो ।
परमेश्वर आदमले जीवनको रूखको फल खाने छनोट गरेको चाहनुहुन्थ्यो ।
परमेश्वर आदमले जीवनको छनोट गरेको चाहुनुहुन्थ्यो ।
परमेश्वरले अदनको बगैँचाको मध्य भागमा लगाउनुभएको दोस्रो रूखको नाम के थियो ?
असल र खराबको ज्ञान दिने रूख ।
असल र खराबको ज्ञान दिने रूखको बारेमा भने परमेश्वरले आदमलाई एउटा आज्ञा दिनुभयो ।

आउनुस् उत्पत्ति २:१६-१७क पद पढौं ।

¹⁶परमप्रभु परमेश्वरले त्यस मानिसलाई आज्ञा दिनु भयो। परमप्रभु परमेश्वरले भन्नुभयो, “तिमीले कुनै चिन्ता बिना यस बगैंचाको कुनै पनि रुखबाट फलहरू खान सक्छौ। ¹⁷तर तिमीले त्यस रुखको कुनै फल खानु हुँदैन जसले असल र खराबको ज्ञान दिन्छ,

परमेश्वरले असल र खराबको ज्ञान दिने रूखको बारेमा आदमलाई दिनुभएको आज्ञा के थियो ?
परमेश्वरले आदमलाई त्यस रूखको फल नखानू भन्ने आज्ञा दिनुभयो ।
परमेश्वरलाई कुन कुरा असल र कुनचाहिँ खराब हो भन्ने थाहा थियो ।
परमेश्वरलाई असल कुरा असल र खराबचाहिँ खराब हो भन्ने थाहा थियो ।
आदिमा आदमलाई कुनचाहिँ कुरा असल हो भन्ने मात्रै थाहा थियो ।
आदिमा आदमलाई कुनै दुष्ट्याइँ थाहा थिएन ।
आउनुस् परमेश्वरले आदमलाई यदि तिनले असल र खराबको ज्ञान दिने रूखको फल खाए भने के हुन्छ भनी भन्नुभएको थियो भन्ने कुरा पढौं ।

आउनुस् उत्पत्ति २:१७ख पद पढौं ।

किनभने जुन दिन तिमी त्यस रुखको फल खान्छौ निश्चयनै त्यस दिन तिमी आफैं मर्नेछौ।”

यदि आदमले असल र खराबको ज्ञान दिने रूखको फल खान्थे भने तिनलाई के हुन्थ्यो ?
तिनी मर्थे ।
मृत्यु के हो ?
धेरै मानिसहरू एउटै मात्र मृत्यु छ भन्छन् ।
तर परमेश्वर तीनवटा मृत्यु छन् भन्नुहुन्छ ।
पहिलो मृत्यु परमेश्वरबाट अलग हुनु हो ।
परमेश्वरबाट अलग हुनु किन मृत्यु हुनु हो ?
किनभने परमेश्वरले मात्रै जीवन दिन सक्नुहुन्छ ।
किनभने सबै जीवन परमेश्वरबाट आउँछ ।
लुसिफरले पाप गर्‍यो र ऊ परमेश्वरबाट अलग भयो ।
यदि आदमले परमेश्वरलाई अवज्ञा गर्थे भने आदम परमेश्वरबाट अलग हुन्थे ।
दोस्रो मृत्यु प्राणले शरीर छोड्नु हो ।
यो मृत्युको बारेमा धेरै मानिसलाई थाहा छ ।
यदि आदमले परमेश्वरको अवज्ञा गरेका हुन्थे भने आदमको शरीर मर्थ्यो ।
तेस्रो मृत्यु आत्मिक आगोको दहमा सधैँ पर्नु हो ।
यदि आदमले परमेश्वरको अवज्ञा गरेका हुन्थे भने आदमको आत्मा सधैँभरिको लागि आत्मिक आगोको दहमा जान्थ्यो ।
असल र खराबको ज्ञान दिने रूखको फल नखानू भनेर परमेश्वरले आदमलाई कसरी आज्ञा गर्न सक्नुभयो ?
किनभने आदमलाई परमेश्वरले बनाउनुभएको हो ।
किनभने आदम परमेश्वरको अधीनमा थिए ।
यदि कुनै मानिसले झारपात उखेल्ने मेसिन बनाउँछ भने के त्यो मेसिन उसको हुँदैन र ?
हुन्छ ।
यदि कुनै स्वास्नीमानिसले टोकरी बनाउँछे भने के त्यो टोकरी उसको हुँदैन र ?
हुन्छ ।
यदि कुनै बच्चाले खेलौना बनाउँछ भने के त्यो उसको हुँदैन र ?
हुन्छ ।
किनभने परमेश्वरले आदमलाई बनाउनुभएको हो, आदम परमेश्वरको अधीनमा थिए ।
किनभने परमेश्वरले आदमलाई बनाउनुभएको हो, परमेश्वरले आदमलाई आदेश दिनसक्नुहुन्थ्यो ।
आदमलाई आदेश दिनु पमेश्वरको निम्ति असल थियो ?
थियो ।
किन परमेश्वरले आदमलाई आदेश दिनु असल थियो ?
किनभने परमेश्वर आदमभन्दा धेरै बुद्धिमान् हुनुहुन्थ्यो ।
के एकजना बूढो मान्छे तन्नेरी केटाभन्दा धेरै बुद्धिमान् हुन्छ ?
अँ, हुन्छ ।
के एकजना बूढी मान्छे तरुनी केटीभन्दा धेरै बुद्धिमती हुन्छे ?
अँ, हुन्छे ।
के तन्नेरी केटाले बूढो मान्छेको कुरा सुन्नु जरुरी छ ?
छ ।
के तरुनी केटीले बूढी मान्छेका कुरा सुन्नु जरुरी छ ?
छ
किनभने परमेश्वर आदमभन्दा धेरै बुद्धिमान् हुनुहुन्थ्यो, परमेश्वरको कुरा सुन्नु आदमको निम्ति जरुरी थियो ।
परमेश्वर आदमले किन उहाँको कुरा सुनेको चाहनुहुन्थ्यो ?
किनभने परमेश्वर आदमभन्दा धेरै बुद्धिमान् हुनुहुन्थ्यो ।
किनभने परमेश्वरलाई आदमको निम्ति के कुरा असल छ भन्ने थाहा थियो ।
किनभने परमेश्वरलाई आदमको निम्ति के कुरा खराब छ भन्ने थाहा थियो ।
किनभने परमेश्वर आदमलाई बचाउन चाहनुहुन्थ्यो ।
बूढो मानिसलाई तन्नेरी केटाको निम्ति के कुरा असल वा खराब छ भन्ने थाहा हुन्छ ।
बूढी मान्छेलाई तरुनी केटीको निम्ति के कुरा असल र के कुरा खराब छ भन्ने थाहा हुन्छ ।
आदमको निम्ति के कुरा असल र के कुरा खराब थियो भन्ने कुरा कसलाई थाहा थियो ?
परमेश्वरलाई ।
सबै मानिसहरूको निम्ति के कुरा असल छ भन्ने कसलाई थाहा छ ?
परमेश्वरलाई ।
परमेश्वरलाई सबै कुरा थाहा छ ।
परमेश्वर आदमले उहाँलाई सुनून् भन्ने चाहनुहुन्थ्यो ।
परमेश्वर सबै मानिसले उहाँलाई सुनून् भन्ने चाहनुहुन्छ ।
परमेश्वरको बारेका सत्यहरू बाइबलमा छन् ।
परमेश्वर बाइबालेमा उहाँले लेख्नुभएका कुराहरू सबै मानिसले सुनून् भन्ने चाहनुहुन्छ ।